Biełaruskaha bajca MMA ŭ Polščy abvinavačvajuć u źbićci. Jamu pahražaje da 20 hadoŭ
Palicyja polskaha horada Jaracyn zatrymała 26-hadovaha biełarusa, jaki zajmajecca adzinaborstvami i ŭdzielničaŭ u turnirach MMA. Mužčynu padazrajuć u naniasieńni ciažkich cialesnych paškodžańniaŭ. Jon vinu nie pryznaje i vykłaŭ śledčym svaju viersiju padziej, piša Most.
Ilustracyjnaje fota
Incydent zdaryŭsia jašče 21 lipienia 2024 hoda. U adnaho z pabaŭ Jaracyna biełarus staŭ nanosić achviary «ŭdary rukami ŭ vobłaść hałavy». Paśla sudova-miedycynskaja ekśpiertyza ŭstanaviła, što takija traŭmy mahli paciahnuć pahrozu žyćciu.
Ustanavić biełarusa ŭdałosia pa zapisach kamier nazirańnia i pakazańniach śviedak.
Padčas dopytu biełarus admaŭlaŭ vinu i vykłaŭ svaju viersiju padziej. Prakuratura nie ŭdakładniaje, u čym jana zaklučajecca, ale paviedamlaje, što skazanaje mužčynam u svaju abaronu supiarečyć zapisam kamier i inšym faktam, ustanoŭlenym śledstvam.
Sud pastanaviŭ aryštavać biełarusa na try miesiacy. Artykuł, jaki jamu vystaŭleny, praduhledžvaje pakarańnie ad troch da 20 hadoŭ pazbaŭleńnia voli.