Hrodzienskim školnikam pakazali, jak karystacca milicejskimi dubinkami
Dla navučencaŭ siaredniaj škoły № 3 praviali ekskursiju ŭ RUUS Kastryčnickaha rajona. Školnikam pakazali, jak karystacca milicejskimi dubinkami i dali patrymać aŭtamaty. Mierapryjemstva prajšło ŭ ramkach prafaryjentacyi, piša Hrodna.life.
Spravazdača ab praviedzienaj ekskursii źjaviłasia na Facebook-staroncy škoły, ale, praŭdapadobna, potym była vydalena z sajta škoły, ale žurnalisty zachavali zdymki.
Na apublikavanych fota bačna, što dzieci trymajuć u rukach aŭtamaty, ščyty i dubinki – imi padčas źmieny karystajucca roty patrulna-pastavoj słužby.
Heta nie pieršaje padobnaje mierapryjemstva, kali hrodzienskija navučency naviedvajuć ekskursii z udziełam siłavikoŭ. Tak u śniežni 2024 hoda studentaŭ piedyjatryčnaha fakulteta HrDMU adpravili na ekskursiju ŭ hrodzienskuju turmu z «metaj prafiłaktyki pravaparušeńniaŭ».