U Biełarusi zabaranili papularnaje ŭ sabakavodaŭ słova
Novy zakon, jaki ŭstupiŭ u siłu z 1 studzienia, zabaraniaje adzin ź vidaŭ dresiroŭki chatnich sabak.
Haspadary ciapier nie mohuć vučyć sabak-kampańjonaŭ napadać na ludziej. Takaja dresiroŭka nie była zabaroniena da 2025 hoda, adnak ciapier situacyja źmianiłasia.
Zhodna z Zakonam «Ab adkaznym abychodžańni z žyviołami», nie dapuskajecca nackoŭvańnie sabak, to bok ich prymus da napadu na fizičnych asob i inšych žyvioł, pišuć «Minsk-Naviny».
Heta aznačaje, što viadomaja kamanda «fas» ciapier faktyčna pad zabaronaj.
Adnak jość i vyklučeńni. Zabarona «nie raspaŭsiudžvajecca na žyvioł, jakija vykarystoŭvajucca ŭ metach achovy žyćcia i zdaroŭja ŭładalnika žyvioły i (abo) jaho svajakoŭ albo ich majomaści». Jurydyčna situacyju pavinien rastłumačyć urad u śpiecyjalnaj pastanovie.
Čytajcie taksama:
Pavodle novaha zakona, niebiaśpiečnym sabakam moža być pryznany navat špic
Miły sabaka na zapraŭcy, što radujecca lubomu čałavieku, skaraje sacsietki
«Nie mahli ŭziać z saboj». Biełarusy viarnulisia na radzimu i kinuli sabaku ŭ Varšavie