Pad Pietrykavam vyraścili pieršyja ciulpany «elitnych hałandskich sartoŭ»
U Pietrykaŭskim lashasie Homielskaj vołaści vyraścili pieršyja ciulpany «elitnych hałandskich hatunkaŭ», jakija ŭ chutkim časie pastupiać u prodaž. Pa słovach pradstaŭnikoŭ viedamstva, asnoŭnaja častka kvietak saśpieje da 8 sakavika, ale pieršyja možna budzie nabyć užo 14 lutaha
Pavodle słoŭ supracoŭnikaŭ Pietrykaŭskaha lashasa, usiaho jany vysadzili 18 tysiač cybulin sartoŭ biełaha, čyrvonaha, žoŭtaha i hradyjentnaha koleru. Pieršyja ź ich možna budzie nabyć u śpiecyjalnym hadavalniku horada.
U viedamstvie taksama nazvali canu, pa jakoj płanujuć pradavać viasnovyja kvietki — 4 rubli za štuku.
U kancy studzienia pieršyja ciulpany zaŭvažyli na staličnym Kamaroŭskim rynku, siaredni ich košt składaŭ 6 rubloŭ. U minskich supiermarkietach ceny varjirujucca ŭ zaležnaści ad bukieta (u siarednim kala 3 rubloŭ za kvietku).