Tramp zajaviŭ, što kali paleścincaŭ vysielać z Hazy, to bolš jany tudy nie viernucca
Paleścincy, jakich prapanujecca pierasialić z Hazy ŭ inšyja krainy, zastanucca tam nazaŭsiody, zajaviŭ prezident ZŠA Donald Tramp. Na pytańnie, ci zmohuć tyja paśla viarnucca na rodnuju ziamlu, jon u intervju vydańniu Fox News adkazaŭ admoŭna.
Donald Tramp. Fota: Christopher Furlong / Getty Images
«Ich novyja damy buduć značna lepšyja. Ja kažu pra pabudovu stałaha miesca dla ich», — zajaviŭ Tramp.
Jon padkreśliŭ, što ciapier Haza «nieprydatnaja dla žyćcia» i na jaje adnaŭleńnie pojduć hady.
U toj ža čas jon zapeŭniŭ, što dla 1,9 młn palestyncaŭ buduć pabudavanyja «vydatnyja, biaśpiečnyja pasieliščy zusim pobač z tym miescam, dzie jany žyvuć ciapier».
Raniej jon kazaŭ, što za miežami siektara Haza jość šeść krain, kudy mahli b pierajechać hetyja ludzi. U ich liku zhadvalisia Jehipiet, Iardanija, Maroka i Samali. Pieršyja dźvie krainy, adnak, adrazu vystupili suprać takoha varyjantu.
Čytajcie taksama:
Rasijskaje MZS: Prapanoŭ, jakija zadavalniajuć Rasiju, ad Trampa nie było
Tramp prapanavaŭ pierasialić uciekačoŭ z Hazy ŭ Maroka ci Samali
Tramp vychodzić sa struktur AAN i pahražaje Iranu dy paleścincam
Tramp havoryć pra źnižeńnie cenaŭ na naftu, ale chto budzie źnižać?