Biełaruska dvojčy vyjhrała moładzievy čempijanat Jeŭropy pa karate. Ale vystupała za Polšču

Ksienija Drončanka pieramahła ŭ moładzievym čempijanacie Jeŭropy pa karate druhi raz zapar, piša Tribuna.

Ksienija Drončanka na čempijanacie ŭ Polščy. Fota: @kseniya_dronchanka / instahram

Moładzievy čempijanat Jeŭropy pa karate skončyŭsia ŭ Polščy 9 lutaha. Na im Ksienija Drončanka vystupała ŭ raździele kumite (pajadynak z abmiežavanym kantaktam) u katehoryi da 55 kiłahramaŭ.

Pieramohu dziaŭčyna atrymała druhi hod zapar — vystupajučy za polskuju zbornuju.

U Biełarusi Drončanka pradstaŭlała kamandu Homielskaj vobłaści i šmat razoŭ stanaviłasia čempijonkaj krainy pa junijorach.

Pa jakoj mienavita pryčynie dziaŭčyna pierajechała ŭ Polšču, nieviadoma. U 2020 hodzie spartsmienka apublikavała svajo fota z nacyjanalnym ściaham i napisała: 

«Siońnia ja adčuła hordaść, što ja biełaruska, ja pabačyła pryhožych, razumnych i dobrych ludziej, abjadnanych adnoj metaj, ja ŭśviadomiła, što takoje nacyjanalnaja hordaść, salidarnaść i adzinstva».

Ksienija Drončanka sa ściaham. Fota: @kseniya_dronchanka / instahram

Kamientary da artykuła