Machlary prapanujuć pasiŭny zarobak ad «Biełtelekama»
«Biełtelekam» papiaredziŭ pra aktyvizacyju machlaroŭ. Jany ad imia pradpryjemstva prapanujuć pasiŭny zarobak nibyta na inviestycyjnaj płatformie, paviedamili na pradpryjemstvie.
Ašukanskaja schiema dziejničaje na YouTube. U rekłamie złamyśniki prapanujuć praź inviestpłatformu pradpryjemstva «novyja mahčymaści dla zarobku». Dla hetaha treba pierajści pa fejkavaj spasyłcy.
U «Biełtelekamie» padkreślili, što nie majuć nijakaha dačynieńnia da hetaha resursu, jaki padmannym šlacham sprabuje zavabić achviar.
Na pradpryjemstvie adznačajuć, što nie varta pierachodzić pa padazronych spasyłkach, pieradavać asabistyja danyja i pieraličvać hrošy. Aktualnuju infarmacyju ab pasłuhach možna znajści na aficyjnym sajcie abo ŭdakładnić pa numary 123.