83-hadovuju žycharku Oršy napałochali tym, što jana finansuje vajnu va Ukrainie. I zabrali 200 tysiač rubloŭ
Žančyna pahadziłasia «zadekłaravać» usie najaŭnyja hrošy, jakija byli ŭ jaje doma.
83-hadovaj žycharcy Oršy ŭ telehramie pazvaniŭ machlar, pradstaviŭsia supracoŭnikam Departamienta finansavych rasśledavaniaŭ i zajaviŭ, što jana finansuje «śpiecyjalnuju vajennuju apieracyju». A ŭ suviazi z hetym sabraŭsia pravieści pieratrus u jaje doma.
Ź milicejskaha paviedamleńnia niezrazumieła, u finansavańni Rasii ci Ukrainy abvinavacili ŭ žančynu.
Vyhladaje, što 83-hadovaja aršanka nie nadta ździviłasia zvanku ad «siłavikoŭ». Jana pahadziłasia na prapanovu zadekłaravać usie najaŭnyja hrošy, jakija ŭ jaje jość.
Žančyna pryjšła ŭ bank i pakłała na rachunak kala 200 tysiač rubloŭ. Paśla čaho jana dała dostup da rachunku machlaram — i, zrazumieła, zastałasia ni z čym.
Tolki paśla hetaha žančyna źviarnułasia ŭ milicyju. Śledčyja zaviali kryminalnuju spravu za machlarstva ŭ asabliva bujnym pamiery.