Naŭsieda: Kancentracyi rasijskaha vojska kala biełaruska-litoŭskaj miažy niama i nie płanujecca
Tak prezident Litvy adkazaŭ Uładzimiru Zialenskamu, piša Delfi.
«Viadoma jość šmat mahčymych scenaryjaŭ, mahčymych opcyj. Adnak chaču vielmi vyrazna zajavić: u biełaruska-litoŭskaj miažy nijakaj kancentracyi vojska niama. Hetaha i nie płanujecca», — skazaŭ Naŭsieda.
Takuju zajavu prezident Litvy zrabiŭ u adkaz na słovy Zialenskaha ŭ intervju The Guardian, što Rasija pavialičvaje skład svaich VS na 150 tysiač čałaviek i moža atakavać Polšču i Litvu z terytoryi Biełarusi.
«Pierš za ŭsio, nieabchodna zasiarodzicca na tym, što my pavinny zrabić, tamu što pravilnyja rašeńni pryniatyja, nam prosta treba ich realizavać i realizavać svoječasova. Usie hetyja rašeńni, tyja finansavyja resursy, jakija my namiecili, nakiravanyja nie na baraćbu, a na toje, kab paźbiehnuć lubych pravakacyj u budučyni», — adznačyŭ palityk.