Za «zdradu dziaržavie» sudziać mytnika. Jamu pahražaje da 15 hadoŭ
U Minskim haradskim sudzie 14 lutaha za «zdradu dziaržavie» pačynajuć sudzić 29-hadovaha mytnika Viktara Varabjova. Praces budzie prachodzić u zakrytym režymie pad staršynstvam Siarhieja Chrypača, piša «Viasna».
Aproč č. 1 art. 356 KK, mužčynie taksama staviać u vinu «pieravyšeńnie ŭłady abo słužbovych paŭnamoctvaŭ» (č. 1 art. 426 KK), «sadziejničańnie ekstremisckaj dziejnaści» (č. 1 art. 361-4 KK), «udzieł u ekstremisckim farmavańni» (č. 3 art. 361-1 KK), «arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich» (č. 1 art. 342 KK). Jamu pahražaje da 15 hadoŭ źniavoleńnia.
Na staroncy Linkedin paznačana, što z 2018-ha hoda Viktar pracavaŭ starejšym inžynieram suviazi na mytni. Vierahodna, z hetym i źviazana kryminalnaja sprava suprać mužčyna za «pieravyšeńnie ŭłady abo słužbovych paŭnamoctvaŭ».