U Minsku prybrali płakat z pamyłkami pra Mikałaja Alšeŭskaha
13 lutaha pra pamyłki na płakacie ŭ centry Minsku paviedamiła «Naša Niva».
Płakat na praśpiekcie Niezaležnaści 13 i 14 lutaha. Fota: sacsietki, «Minsk-Novosti»
Na adnym z prypynkaŭ na praśpiekcie Niezaležnaści ŭ Minsku ŭstalavali płakat, pryśviečany ŭradžencu Kijeŭščyny Mikałaju Michajłaviču Alšeŭskamu, udzielniku vyzvaleńnia Biełarusi ŭ Druhuju suśvietnuju vajnu, Hieroju Savieckaha Sajuza. U Minsku ŭ jaho honar nazvanaja vulica.
Ale zrabili dźvie pamyłki: niapravilna paznačyli hady žyćcia Alšeŭskaha i vykarystali nie jaho fota.
Partret, jaki trapiŭ na płakat, nasamreč fotazdymak Alaksandra Vasiljeviča Alšeŭskaha, uradženca Krasnajarskaha kraja, jaki asablivaha dačynieńnia da Biełarusi nie mieŭ, pieražyŭ vajnu i pamior u 1973 hodzie ŭ Krymie. Jon taksama byŭ Hierojem Savieckaha Sajuza, adnak svaje podźvihi ździejśniŭ nie ŭ Biełarusi, a ŭ Polščy ŭ 1945 hodzie.
Siońnia płakat prybrali. U «Minskrekłamie» adkazali, što adbyłasia «techničnaja pamyłka».
«Adbyłasia techničnaja pamyłka — u dadzieny łajtboks była ŭstalavanaja pieršapačatkovaja, pieradadzienaja nam infarmacyja pra Mikałaja Alšeŭskaha, a nie druhi varyjant, z uniesienymi praŭkami, pradstaŭleny «Minskrekłamaj»».
Čytajcie taksama:
U centry Minska paviesili płakat z hierojem vajny Alšeŭskim. Ale nie tym Alšeŭskim FOTAFAKT