U studzieni MAZ pradaŭ na rasijskim rynku ŭsiaho čatyry aŭtobusy
U studzieni 2025 hoda na rasijskim rynku było pradadziena ŭsiaho čatyry novyja aŭtobusy Minskaha aŭtamabilnaha zavoda, śviedčać danyja ahienctva «ASM-chołdynh». U 2024 hodzie ŭ tym ža samym miesiacy ich było 84, to-bok padzieńnie ŭ 21 raz.
Pradukcyja MAZ u minułym miesiacy zaniała tolki 11-je miesca ŭ śpisie samych pradavanych brendaŭ hetaha siehmienta na aŭtarynku Rasii. Dola na rynku skłała ŭsiaho 0,6%.
Za 2024 hod biełaruskaje pradpryjemstva pradało na rasijskim rynku 504 adzinki hetaj techniki i zajmała ahulnaje 9-je miesca (dla na rynku 2,6%). Za 2023 hod aŭtobusaŭ było 925 adzinak, to-bok padzieńnie było na 45,5%.
Uvohule aŭtobusy vytvorčaści MAZ nie vielmi dobra siabie rekamiendavali ŭ Rasii, z roznych rasijskich rehijonaŭ rehularna prychodziać naviny, što taja ci inšaja mašyna padčas ekspłuatacyi zaharełasia. Časam byvaje, što hety praces nabyvaje navat masavy charaktar. Rehularna zdarajucca taksama i inšyja pałomki.
Čytajcie taksama:
U Archanhielsku masava łamajucca aŭtobusy MAZ — praz heta parušany hrafik ruchu
U Rasii abvalilisia prodažy biełaruskich aŭtobusaŭ