U Biełarusi pradajuć Peugeot 407 z unikalnaj afarboŭkaj i kaśmičnaj canoj
Za 20-hadovy dyzielny ŭniviersał prosiać amal 16 tysiač dalaraŭ.
Fota: av.by
Na prodaž vystavili Peugeot 407 2005 hoda vypusku. Pad kapotam aŭto dyzielny ruchavik abjomam 2 litry, jaki pracuje ŭ pary ź miechaničnaj karobkaj pieradač.
Zhodna z apisańniem, 15 tysiač km nazad ułaśnik zamianiŭ rodny mator na taki samy, pryviezieny ź Jeŭropy z prabieham 180 tysiač kiłamietraŭ. Tamu ŭ apisańni prabieh paznačany jak 195 tysiač km, choć pa śpidomietry — 342 500 km.
Fota: av.by
Svaju mašynu ŭłaśnik nazyvaje «prajektnym aŭto dla sabie».
Hałoŭnaja fiška — afarboŭka, jakaja, jak zapeŭnivaje pradaviec, uzakonienaja ŭ DAI.
Fota: av.by
Aproč art-afarboŭki ŭ mašyny pieraroblenyja piarednija fary, zadnija lichtary i akustyčnaja sistema.
U abjavie jość spasyłka na videa ŭ jutub. Tam možna pahladzieć, jak zvyčajny dyzielny ŭniviersał pieraŭtvaryŭsia ŭ art-abjekt na kołach.
Fota: skrynšot Nifyodov.l / YouTube
Dla stvareńnia padobnaj afarboŭki vykarystoŭvajuć admysłovyja markiery i bałončyki z farbaj.
Fota: skrynšot Nifyodov.l / YouTube
Ciapier za mašynu prosiać 15 800 dalaraŭ — heta ŭ try ryzy bolš, čym siaredni košt Peugeot 407 2005 hoda vypusku.
Fota: skrynšot z sajta av.by
Admietna, što spačatku za aŭto prasili 21 800, ale praz dva dni z momantu padačy abjavy pradaviec vyrašyŭ padniać canu da 22 800, a jašče praź dzień źnizić adrazu na 7 tysiač dalaraŭ.