Biełaruskaja śmiatana jak dubajski šakaład. Što pačym u mahazinach AAE
Karespandent «Minsk-Naviny» naviedaŭ handlovyja sietki Dubaja (AAE) i pravieryŭ, ci jość u prodažy biełaruskija pradukty.
Praduktovy supiermarkiet Waitrose u Dubai Mall prapanuje sieladziec biełaruskaha vytvorcy masaj nieta 250 hramaŭ pa fantastyčnaj canie — 25,75 dyrchama (kala 23 biełaruskich rubloŭ).
U Minsku anałahičny pradukt kaštuje prykładna ŭ piać razoŭ tańniej.
180-hramovy marynavany sałat z marskoj kapusty kaštuje 14,75 dyrchama (kala 13 biełaruskich rubloŭ), što ŭ šeść razoŭ daražej, čym u staličnych biełaruskich mahazinach.
Ale jašče bolš ździviła cana ajčynnaj śmiatany adnaho z bresckich vytvorcaŭ. Pradukt z tłustaściu 20% i masaj 380 hram abydziecca žycharam i haściam Dubaja ŭ 34 dyrchamy (krychu bolš za 30 biełaruskich rubloŭ). Takuju canu prapanuje supiermarkiet Allday Fresh.
Heta amal u dziesiać razoŭ daražej, čym u Biełarusi.
Cikava, što ŭ hetaj ža kramie taki papularny dubajski šakaład kaštuje ŭ čatyry razy tańniej — 8,5 dyrchama (7,5 biełaruskaha rubla ale za plitku ŭ 30 hram).
Supiermarkiet WestZone prapanuje biełaruski tvaroh 9%-j pracentnaj tłustaści i vahoj 300 hramaŭ za 24,5 dyrchama (kala 22 biełaruskich rubloŭ). Heta prykładna ŭ siem razoŭ daražej, čym u Minsku.
Kiraŭnik adnoj z kram daŭ tłumačeńnie vysokamu koštu biełaruskaj pradukcyi. Pavodle jaho słoŭ, usia sprava ŭ niaprostaj i darahoj łahistycy.