Tramp choča spynić ahoń va Ukrainie da Vialikadnia
Pra heta administracyja prezidenta ZŠA paviedamiła jeŭrapiejskim čynoŭnikam, piša ahienctva Bloomberg sa spasyłkaj na svaje krynicy.
Fota: Chip Somodevilla / Getty Images
Administracyja prezidenta ZŠA Donalda Trampa choča damahčysia spynieńnia ahniu va Ukrainie da Vialikadnia — da 20 krasavika.
Niekatoryja surazmoŭcy ahienctva zajavili, što temp pieramovaŭ, jakija pačnucca na hetym tydni ŭ Saudaŭskaj Aravii z udziełam vysokapastaŭlenych čynoŭnikaŭ ZŠA i Rasii, ambicyjny i patencyjna nierealistyčny.
Adzin z surazmoŭcaŭ Bloomberg ličyć, što bolš imaviernaje — ŭrehulavańnie da kanca hetaha hoda.
Ciapier jeŭrapiejskija čynoŭniki pracujuć nad novym vialikim pakietam vajennaj dapamohi Ukrainie. Płany vydatkaŭ, jak paviedamlaje ahienctva, nie buduć abvieščanyja da vybaraŭ u Hiermanii 23 lutaha, kab paźbiehnuć sprečak pierad hałasavańniem.