Pad Minskam znajšli na haryščy chaty płantacyju kanoplaŭ
Supracoŭniki słužby narkakantrolu pry siłavoj padtrymcy SACHRa zatrymali dvuch žycharoŭ Minskaha rajona, jakija na haryščy pryvatnaha doma arhanizavali pamiaškańnie dla vyroščvańnia narkaźmiaščalnych raślin, paviedamili ŭ pres-słužbie HUUS.
Skrynšot ź videa
Padčas ahladu žylla supracoŭniki milicyi vyjavili i kanfiskavali 22 kusty kanoplaŭ, pradmiety, jakija vykarystoŭvajucca dla jaje vyroščvańnia, a taksama bolš za 600 hramaŭ hatovaj da ŭžyvańnia marychuany i prystasavańni dla kureńnia.
Zatrymanyja raskazali, što nasieńnie narkaźmiaščalnych raślin nabyli ŭ susiedniaj dziaržavie i vyroščvali ich dla ŭłasnaha spažyvańnia.
Pa hetym fakcie zaviali kryminalnuju spravu. Viadoma, što raniej adzin ź fihurantaŭ užo byŭ sudzimy za zbyt narkatyčnych srodkaŭ.
Čytajcie taksama:
Na leciščy pad Hrodna znajšli narkałabaratoryju
Minčuk pastaviŭ na kuchni turystyčnuju pałatku, kab vyroščvać kanopli
Pad Słonimam u 84-hadovaha dziaduli znajšli 170 kh kanapiel — dla piensijaniera ŭsio abyšłosia