Stała viadoma, kali ŭ Mastach adkryjuć samy vialiki padviesny pierachod u Biełarusi
Pakul praciahvajecca rekanstrukcyja, ale chutka pa moście ŭžo možna budzie prajścisia. Pra heta paviedamiła telekampanija «Hrodna».
Adkryćcio padviesnaha pierachoda płanujecca na 28 krasavika. U hety dzień u 1972 hodzie pierapravu adkryli paśla ŭźviadzieńnia.
Ciapier budaŭničyja pracy skončany na 95%. Ad staroj viersii samaha vialikaha padviesnaha pierachoda ŭ Biełarusi zastalisia tolki piłony, jakija całkam abšyli novym mietałam.
Asnoŭnyja kanstrukcyi hatovyja, zaraz budaŭniki ŭstaloŭvajuć aśviatleńnie i prystupajuć da zamieny časovaha draŭlanaha naściłu na terasavuju došku.
Paśla rekanstrukcyi na častcy pierapravy budzie šklanaja padłoha.
Most u Mastach padčas rekanstrukcyi. Fota: telekampanija «Hrodna»