Palak chacieŭ pamianiać u biełaruskim banku falšyvyja jeŭra
U Breście 59-hadovy hramadzianin Polščy prynios u bank 550 jeŭra kupiurami pa 50 jeŭra. Adnak u supracoŭnicy banka ŭźnikli padazreńni adnosna ich sapraŭdnaści, jakija paśla paćvierdzilisia, paviedamlaje Dziaržkamitet sudovych ekśpiertyz.
Fota: Dziaržaŭny kamitet sudovych ekśpiertyz
Kupiury kanfiskavali i addali na ekśpiertyzu, jakaja zaśviedčyła, što ŭsie jany padroblenyja. Vyjavy na abodvuch bakach banknoty byli vykananyja sposabam płoskaha afsietnaha druku, vadzianyja znaki, achoŭnaja nitka, ultrafijaletavyja i infračyrvonyja elemienty imitavanyja. Taksama praviedziena imitacyja reljefnaści malunkaŭ.
Mužčyna, jaki prynios banknoty ŭ bank, patłumačyŭ, što pracuje kiroŭcam i hrošy atrymaŭ u Polščy. Što jany mohuć być falšyvymi, jon, pavodle jahonych słoŭ, nie viedaŭ.
Čytajcie taksama:
Za pracu ŭ Polščy z chłopcam raźličylisia falšyvymi dalarami
U Pinsku žančynie na pachavańni muža «dapamahli» falšyvaj kupiuraj