Hrodzienca abvinavačvajuć u dziaržaŭnaj zdradzie. Na jaho padaŭ zajavu Azaronak
Jahora Sacišura abvinavačvajuć u «zdradzie dziaržavie» (č. 1 art. 356 KK). Razhlad jaho spravy pačniecca 3 sakavika ŭ Hrodzienskim abłasnym sudzie.
Pavodle pravaabaroncaŭ, Sacišuru 22 hady. Jon vučyŭsia na jurydyčnym fakultecie Bresckaha ŭniviersiteta, ale paźniej pierajechaŭ u Polšču.
U intervju rasijskaj žurnalistcy Ksienii Sabčak prapahandyst Hryhoryj Azaronak zajaviŭ, što padaŭ zajavu na Sacišura, piša telehram-kanał «Hrodna.life».
Sabčak, vyvučajučy dakumienty, vyjaviła pastanovu, u jakoj Azaronak paznačany jak paciarpieły pa spravie. Jana začytała jaje detali na kamieru. U dakumiencie havorycca, što Sacišur nibyta źbiraŭ i pieradavaŭ zamiežnaj dziaržavie piersanalnyja dadzienyja prapahandysta.
Azaronak prakamientavaŭ situacyju słovami: «Ja z zadavalnieńniem padaju zajavy, a jany adpraŭlajucca siadzieć».