Film biełaruskaha režysiora, jaki pakazvajecca na Bierlinale, atrymaŭ uznaharodu
Film biełaruskaha režysiora Juryja Siamaški «Lebiadzinaja pieśnia Fiodara Ozierava», pakazany na Bierlinale, atrymaŭ uznaharodu ad čytackaha žury niamieckaj haziety «Tagesspiegel», zaŭvažyŭ Reform.news.
Na zdymku: niamiecki pradziusar stužki «Lebiadzinaja pieśnia Fiodara Oziera» Mark-Daniel Dajmand (z dypłomam) u atačeńni čytackaha žury haziety Tagesspiegel. Fota: sacsietki Juryja Siamaški.
Hetaja ŭznaharoda prysudžajecca z 2007 hoda najlepšamu filmu ŭ siekcyi Forum Bierlinskaha kinafiestyvalu.
Sioleta žury, jakoje składałasia z pradstaŭnikoŭ roznych krain i prafiesij, vyłučyła karcinu Siamaški za jaje aryhinalny dyzajn, humarystyčnyja dyjałohi i hłyboki sens. U filmie pravodzicca paralel ź mifam pra Arfieja i Eŭrydyku, a taksama ŭzdymajecca tema pošuku vyjścia ŭ składanych abstavinach.
Karcina raskazvaje pra maładoha muzyku Fiodara, jaki šukaje švedar, što doryć jamu natchnieńnie. Padziei adbyvajucca ŭ časy napružanaj palityčnaj situacyi, napiaredadni mahčymaj vajny. Film staŭ vynikam supolnaj pracy biełaruskaj, litoŭskaj i niamieckaj kinakampanij i byŭ ciopła pryniaty na fiestyvali.
Premjera filma adbyłasia 14 lutaha, a ŭsie kvitki na siońniašni pakaz, 22 lutaha, užo raspradanyja.