Prezident Litvy ličyć mahčymym ustupleńnie Ukrainy ŭ ES praź piać hadoŭ
Litoŭski prezident Hitanas Naŭsieda prapanavaŭ zafiksavać 1 studzienia 2030 dataj ustupleńnia Ukrainy ŭ Jeŭrapiejski Sajuz. Pra heta jon zajaviŭ 24 lutaha na pasiadžeńni forumu «Padtrymaj Ukrainu» ŭ Kijevie, piša «Jeŭrapiejskaja praŭda».
Prezident Litvy Hitanas Naŭsieda (sprava) i prezident Ukrainy Uładzimir Zialenski na cyrymonii pryvitańnia ŭ prezidenckim dvoryku, Vilnius, 10 studzienia 2024 h. Fota: AP
Kiraŭnik Litvy adznačyŭ, što zaraz nastaŭ čas lidarstva, i jeŭrapiejcy pavinny ŭziać na siabie adkaznaść biez zatrymak.
«Biaśpieka Jeŭropy zaležyć ad biaśpieki Ukrainy. Mienavita tamu dazvolcie paskoryć ustupleńnie Ukrainy ŭ ES. Ja prapanuju datu 1 studzienia 2030 hoda», — skazaŭ Naŭsieda.
Jon dadaŭ, što adkryćcio pieršaha kłastara pieramoŭ možna było b zrabić mahčymym na praciahu nastupnych tydniaŭ.
«Zrobim šlach Ukrainy ŭ ES niaŭchilnym», — skazaŭ Naŭsieda.