MARH znajšoŭ parušeńni va ŭsich pravieranych kramach «Śviatłafor»
Pravierki prajšli ŭ abłasnych haradach, Minsku, a taksama ŭ Stoŭbcach i Dziaržynsku. U chodzie manitorynhu byli abśledavany 22 kramy, paviedamlaje pres-słužba Ministerstva antymanapolnaha rehulavańnia i handlu.
Ilustracyjnaje fota
Adznačajecca, što parušeńni praviłaŭ handlu byli vyjaŭlenyja ŭ kožnym pravieranym abjekcie. A ŭ troch punktach vyjavili ŭ prodažy tavary sa skončanym terminam prydatnaści. MARH užo nakiravaŭ rekamiendacyi pa likvidacyi parušeńniaŭ. Viedamstva vydała pradpisańni ab zabaronie prodažu praterminavanaj pradukcyi.
Akramia taho, u Ministerstvie razhladajecca kalektyŭny zvarot rabotnikaŭ sietki «Śviatłafor», jakija tyčacca ŭmoŭ pracy.
Pavodle źviestak handlovaha rejestra, u Biełarusi naličvajecca 127 handlovych abjektaŭ hetaj sietki.