Frydrych Mierc padtrymaŭ Zialenskaha
Lidar Chryścijanska-demakratyčnaha sajuza i budučy kancler Hiermanii Frydrych Mierc vystupiŭ za ŭdzieł Ukrainy ŭ mahčymych pieramovach ab spynieńni ahniu.
Uładzimir Zialenski i Frydrych Mierc. Ilustracyjnaje fota Efrem Lukatsky / AP
U treciuju hadavinu pačatku vajny jon, a taksama dziejny kancler Ołaf Šolc i prezident FRH Frank-Valter Štajnmajer paabiacali Kijevu dalejšuju padtrymku, piša Bild.
Uładzimir Zialenski pavinšavaŭ Mierca ź pieramohaj na parłamienckich vybarach i padkreśliŭ, što jahonaja kraina raźličvaje na praciah dapamohi z boku Hiermanii.
U adkaz lidar CHDS zajaviŭ, što «Jeŭropa zastajecca ćviorda na baku Ukrainy», nahadaŭšy taksama pra «try hady razbureńniaŭ i vajennych złačynstvaŭ».
Mierc padkreśliŭ, što Ukrainie nieabchodna «zaniać pazicyju siły», pakolki bieź jaje niemahčyma damahčysia spraviadlivaha miru.
«Dla spraviadlivaha miru atakavanaja kraina pavinna być častkaj mirnych pieramovaŭ», — adznačyŭ jon.