Za studzień pa palityčnych kryminałkach asudzili minimum 89 čałaviek. Ale heta najmienšy vynik za apošni čas
Dla paraŭnańnia, u śniežni 2024 hoda represavali ŭdvaja bolš biełarusaŭ.
U studzieni 2025 hoda łukašenkaŭskaja sudovaja sistema represavała pa palityčnych matyvach jak minimum 89 biełarusaŭ. Takija danyja paviedamlaje «Viasna», jakaja viadzie manitorynh sudovych pracesaŭ. U hety lik nie uvachodziać zavočnyja vytvorčaści (u studzieni jana była adna) — ni ŭ minułym miesiacy, ni ŭ papiarednich.
Vynik studzienia — žachlivy, ale jon najnižejšy za apošni čas.
Kolki čałaviek było asudžana pa kryminalnych artykułach u papiarednija miesiacy?
- studzień 2025 hoda — 89 čałaviek
- śniežań 2024 hoda — 188 čałaviek
- listapad 2024 hoda — 144 čałaviek
- kastryčnik 2024 hoda — 172 čałavieki
- vierasień 2024 hoda — 170 čałaviek
- žnivień 2024 hoda — 127 čałaviek
- lipień 2024 hoda — 170 čałaviek
- červień 2024 hoda — 146 čałaviek
- maj 2024 hoda — 145 čałaviek
- krasavik 2024 hoda — 161 čałaviek
- sakavik 2024 hoda — 165 čałaviek
- luty 2024 — 129 čałaviek
- studzień 2024 hoda — 120 čałaviek
- śniežań 2023 hoda — 161 čałaviek
- listapad 2023 hoda — 101 čałaviek.
Paŭsiul ukazvajucca vyniki, sabranyja pravaabaroncami. U kožnym ź miesiacaŭ mohuć być palitviaźni, jakija prajšli mima ŭliku. Adnak sistema manitorynhu zastajecca raniejšaj, tamu dola niaŭličanych palitviaźniaŭ budzie padobnaj u kožny ź miesiacaŭ.
Pa stanie na 25 lutaha 2025 hoda ŭ Biełarusi naličvajecca 1209 palitviaźniaŭ. Apošni raz na takim uzroŭni lik trymaŭsia ŭ mai 2022 hoda. Na piku kolkaść palitviaźniaŭ pieravyšała 1500 čałaviek.