Sprobaŭ nielehalnaha pierachodu biełaruska-polskaj miažy ŭdvaja bolš, čym hod tamu
Z pačatku 2025 hoda supracoŭniki Padlašskaha adździeła pahransłužby Polščy zafiksavali bolš za 600 sprobaŭ nielehalnaha pierachodu miažy ź Biełaruśsiu. Za anałahičny pieryjad minułaha hoda takich sprobaŭ było 280, piša Most.
Štodnia pamiežniki spyniajuć bolš za dziesiać takich sprobaŭ. Naprykład, 25 lutaha miažu sprabavali pierajści 11 mihrantaŭ (adna hrupa zaŭvažanaja ŭ rajonie zastavy Naraŭka, druhaja — u rajonie zastavy Płaska), 24 lutaha — 30. Tady ž pamiežniki zatrymali dvuch kurjeraŭ, jakija płanavali pieravozić parušalnikaŭ miažy.
Adnak pačaščeńnie sprobaŭ nielehalnaha pierachodu miažy nie abaviazkova śviedčyć pra pavieličeńnie kolkaści mihrantaŭ. Niemahčyma padličyć, kolki sprobaŭ nielehalna pierajści miažu robić adzin i toj ža čałaviek. Časta, zhledzieŭšy pamiežnikaŭ, inšaziemcy viartajucca ŭhłyb Biełarusi, a zatym sprabujuć šturmavać jaje znoŭ.
Paśla ŭmacavańnia pamiežnaha płota letam 2024 hoda mihrantam stała značna ciažej pierajści miažu. Tamu možna mierkavać, što adzin i toj ža čałaviek vymušany rabić bolš sprobaŭ i, adpaviedna, čaściej traplaje ŭ statystyku pamiežnaj słužby.
Čytajcie taksama:
Mihrant na biełaruska-polskaj miažy schavaŭsia za prybiralniaj. Ale nie ŭličyŭ adzin niuans VIDEA
Premjer Polščy zajaviŭ, što ŭ ES razumiejuć jaho mihracyjnuju palityku
U Polščy biełarusa sudziać za pieravozku mihrantaŭ, što była 25 hadoŭ tamu