U Papy Franciška zdaryŭsia bronchaspazm
U Franciška ŭčora adbyŭsia izalavany epizod bronchaspazmu z nastupnym paharšeńniem dychańnia, što zapatrabavała prymianieńnia nieinvaziŭnaj štučnaj vientylacyi lohkich, paviedamlajuć «Naviny Vatykana»
Papa Francišak. Fota: Andrew Medichini / AP
Stan zdaroŭja Papy, jaki znachodzicca ŭ rymskaj klinicy «Džemeli» ŭžo čatyrnaccać dzion, atrymaŭ učora paharšeńnie. U pieršaj pałovie piatnicy pantyfik čarhavaŭ dychalnuju fizijaterapiju z malitvaj u kaplicy, adnak dniom u jaho pačaŭsia izalavany epizod bronchaspazmu.
Nieadkładna praviali bronchaaśpiracyju i pačali nieinvaziŭnuju miechaničnuju vientylacyju, što dazvoliła palepšyć hazaabmien.
Pantyfik spakojna pravioŭ noč i siońnia pračnuŭsia paśla pieraniesienaha.
Papa znachodzicca ŭ balnicy ŭžo 14 dzion.