Nacbank padličyŭ, na jakuju sumu letaś nanieśli strat machlary
Hod tamu ŭ Biełarusi zapracavała sistema aŭtamatyzavanaha abmienu infarmacyjaj (ASAI), jakaja dapamahaje zmahacca z ašukancami i abaraniać hrošy biełarusaŭ. U pryvatnaści, jana dazvalaje supracoŭnikam milicyi i bankaŭ apieratyŭna abmieńvacca źviestkami, błakujučy padazronyja pieravody.
Raniej złamyśniki vykarystoŭvali łancužki z 5-10 rachunkaŭ, kab vyvieści hrošy za miažu. Ciapier ža dziakujučy ASAI takija schiemy stali praktyčna niemahčymymi — afierysty vymušanyja skaračać łancužki da 1-2 rachunkaŭ.
U Nacbanku padličyli, što ŭ 2024 hodzie ahulnaja škoda ad machlarstva skłała 48,8 miljona rubloŭ. Adnak z sakavika pa śniežań z dapamohaj sistemy ŭdałosia praduchilić kradziažoŭ na 5,7 miljona rubloŭ, byli prypynienyja 5834 padazronyja pieravody.
Čytajcie taksama:
Kurjeraŭ-machlaroŭ, jakija zabrali ŭ 82-hadovaj piensijanierki 50 tysiač dalaraŭ, zatrymali
Machlary vyciahnuli z žančyny paŭmiljona rubloŭ, prykinuŭšysia hebistami
Minčanka pastaviła kamiery ŭ kvatery maci i tak złaviła machlara