Były forvard zbornaj Biełarusi Viačasłaŭ Hleb stanie baćkam
Žonka viadomaha biełaruskaha futbalista Viačasłava Hleba Volha raskazała ŭ sacsietkach, što para čakaje dzicia.
Viačasłaŭ i Volha Hleb. Fota: Volha Hleb / Instagram
Dahetul u pary nie było dziaciej.
Volha Hleb — biznesvumien, maje svoj brend adzieńnia. U adnym ź intervju žančyna kazała, što zarablaje bolš za muža.
Viačasłaŭ Hleb — eks-forvard zbornaj Biełarusi, viadomy biełaruski futbalist. Zaraz Hleb pracuje junackim trenieram.
«Ja skončyŭ trenierskija kursy katehoryi B i A. treniruju piaty hod kamandu ŭ dziciačaj junackaj škole Juryja Puntusa. Ciapier maim ptušaniatam 17-18 hadoŭ, pieciarych hulcoŭ uziali ŭžo ŭ dubl kamand vyšejšaj lihi, astatnija ž sa mnoj praciahvajuć treniravacca», — kazaŭ jon u intervju Football.by.