Cichanoŭskaj prysvoili zvańnie hanarovaj hramadzianki italjanskaj Bałońji
4 sakavika mer italjanskaj Bałońji Matea Lepore prysvoiŭ hanarovaje hramadzianstva horada biełaruskaj demakratyčnaj lidarcy Śviatłanie Cichanoŭskaj, jakaja ŭ hetyja dni znachodzicca ŭ vizitam u Italii, piša Radyjo Svaboda.
Uračystaja cyrymonija prajšła 4 sakavika ŭ zali haradskoj rady. Rašeńnie ab prysvajeńni Śviatłanie Cichanoŭskaj zvańnia hanarovaj hramadzianki haradskaja rada Bałońji adnahałosna ŭchvaliła 18 śniežnia 2023 hoda.
Hanarovaje hramadzianstva «heta nie prosta simvaličny žest, ale kankretny znak blizkaści da jaje baraćby i baraćby biełaruskaha naroda», zajaviła staršynia haradskoj rady Bałońji Maryja Kateryna Manka.
«Hety žest niasie saboj važnaje pasłańnie salidarnaści dla ŭsiaho biełaruskaha naroda, jaki zmahajecca suprać dyktatury. Italija i Bałońji zmahajucca za kaštoŭnaści i pryncypy, na jakich zasnavana vaša kraina i za jakija ludzi ŭ Biełarusi achviarujuć žyćciom i svabodaj», — skazała ŭ adkaz Cichanoŭskaja.