Niamieckaja palicyja źniała biełarusa, jaki jechaŭ u Brusiel, z aŭtobusa i viarnuła ŭ Polšču
Niamieckaja palicyja pravieryła aŭtobus, jaki jechaŭ u Brusiel. Siarod pasažyraŭ byŭ biełarus, u jakoha znajšli zabaronieny piarcovy bałončyk, paviedamlaje «Biełsat».
Palicyja spyniła rejsavy aŭtobus na kantrolna-prapusknym punkcie ŭ Hierlicy na polska-niamieckaj miažy. Padčas pravierki dakumientaŭ vyśvietliłasia, što adzin z pasažyraŭ — biełarus. Jon užo niekali pryciahvaŭsia da adkaznaści za kradziež z prymianieńniem zbroi.
Palicejskija ŭvažliviej ahledzieli mužčynu i znajšli ŭ jahonaj pajasnoj torbie zabaronieny piarcovy bałončyk.
Biełarus nie zmoh adkazać na pytańnie pra metu svajoj pajezdki i, pavodle palicyi, zabłytaŭsia ŭ «surjoznych supiarečnaściach». U jaho taksama nie było pry sabie hrošaj na vandroŭku.
Palicyja źniała biełarusa z aŭtobusa i viarnuła ŭ Polšču.