U Biełaruś pryjazdžaje premjer-ministr Mjanmy
U Minsk z aficyjnym vizitam prybudzie premjer-ministr Mjanmy, staršynia Dziaržaŭnaj administracyjnaj rady hetaj krainy Min Aun Chłajn, paviedamiła pres-słužba Łukašenki.
Min Aun Chłajn u Maskvie. 4 sakavika 2025 hoda. Fota: AP Photo/Pavel Bednyakov, Pool
7 sakavika Alaksandr Łukašenka sustreniecca z mjanmanskim hościem u Pałacy Niezaležnaści. Zapłanavany pieramovy ŭ vuzkim i pašyranym składach.
«Abmiarkujuć raźvićcio supracoŭnictva ŭ handlova-ekanamičnaj i humanitarnaj halinach, vyznačać płany na budučyniu. U tym liku razmova pojdzie pra sumiesnuju pracu ŭ pramysłovaści, sielskaj haspadarcy, farmaceŭtycy i navukovaj śfiery», — paviedamlaje pres-słužba Łukašenki.
Pa vynikach pieramoŭ płanujecca padpisać šerah dvuchbakovych dakumientaŭ.
Łukašenka raniej nieadnarazova zaprašaŭ premjer-ministra Mjanmy ŭ Biełaruś, a ŭ pačatku studzienia Mjanmu naviedvaŭ kiraŭnik biełaruskaha MZS Maksim Ryžankoŭ.
Admysłova Min Aun Chłajn u Biełaruś nie vybiraŭsia. Ciapier jon znachodzicca z aficyjnym vizitam u Rasii, a ŭ Minsk pryjedzie zaadno.
Čytajcie taksama:
Prapahandyst Špakoŭski paradavaŭ čynoŭnikaŭ u Mjanmie knihami i pieśniami
Ryžankoŭ palacieŭ na dva dni ŭ Mjanmu
Kudy niebiaśpiečna jechać biełarusam, jakich na radzimie pieraśledujuć za palityku KARTY