Donald Tusk zajaviŭ pra nieabchodnaść uzmacnieńnia vajskovaha kantynhientu na miažy ź Biełaruśsiu i Rasijaj
Abarona ŭschodniaj miažy Jeŭrasajuza stała siońnia pryjarytetam, zajaviŭ premjer-ministr Polščy Donald Tusk u Bruseli, kudy prybyŭ na samit pa Ukrainie.
Donald Tusk. Fota: AP
Polski palityk taksama adznačyŭ, što maje namier padniać pytańnie ab nieabchodnaści pavieličeńnia prysutnaści jeŭrapiejskich vojskaŭ i vojskaŭ NATA na ŭschodnich miežach.
«Kab pa-sapraŭdnamu harantavać niečuju biaśpieku, spačatku treba być u biaśpiecy samomu. Nieabchodna harantavać biaśpieku jeŭrapiejskich miežaŭ, u pryvatnaści z Rasijaj i Biełaruśsiu, a taksama biaśpieku marskoj, pavietranaj i kibierprastory. I tady my zmožam akazvać bolš jakasnuju i efiektyŭnuju dapamohu Ukrainie», — cytuje słovy premjer-ministra Polščy Onet.pl.
6 sakavika ŭ Bruseli prachodzić ekstranny samit Jeŭrapiejskaha Sajuza pa Ukrainie. Hałoŭnyja temy pasiadžeńnia na najvyšejšym uzroŭni — terminovaja i doŭhaterminovaja padtrymka Ukrainy ŭ novym kantekście, a taksama novy padychod ES da jeŭrapiejskaj abarony.
Čytajcie taksama:
«Pavarotny momant historyi»: lidary krain Jeŭropy sabralisia na samit pa biaśpiecy i Ukrainie
Załužny: ZŠA rujnujuć suśvietny paradak, a Rasija pryjdzie pa Jeŭropu
Makron: Budučyniu Jeŭropy nie buduć vyznačać ni ŭ Vašynhtonie, ni ŭ Maskvie