Viadomy minski błohier, jaki dapamahaje ludziam ź invalidnaściu, trapiŭ u balnicu
Minski błohier Dźmitryj Žych (Belrels) viadomy tym, što biare vuličnyja intervju ŭ vypadkovych haradžan. Raspytvaje, jak žyvuć, pra što marać. Niekatoryja videa źbirajusia miljony prahladaŭ. Časta hierojami jaho apytanak stanoviacca ludzi ź invalidnaściu. Dziakujučy błohieru, udajecca spaŭniać ich nievialikija žadańni i źbirać hrošy na patreby.
Dźmitryj Žych. Skrynšot videa
Aŭdytoryja ŭ Dźmitryja vialikaja — 300 tysiač padpisčykaŭ u instahramie i bolš za 340 tysiač u tyktoku.
Ale ciapier sam błohier trapiŭ u biadu. Jon zapisaŭ rolik z balničnaj pałaty, dzie patłumačyŭ, što zdaryłasia:
«Byli prablemy: časta kružyłasia hałava i zdavałasia, što zaraz straču prytomnaść. Navat u toj momant, kali braŭ intervju, staraŭsia heta schavać. Unačy mnie stała kiepska, vyklikali chutkuju».
Dźmitryja zavieźli ŭ balnicu chutkaj dapamohi. Tam zrabili UHD serca — jano pakazała, što arteryjalny kłapan nie funkcyjanuje i jaho treba terminova mianiać.
Ciapier mužčyna čakaje apieracyi. Pieražyvaje, ale vieryć, što ŭsio budzie dobra.