Minlashas prosić biełarusaŭ paviedamlać pra pažary
U suviazi z vysokaj pažaraniebiaśpiečnaściu ŭ lasach pieršy namieśnik ministra lasnoj haspadarki Alaksandr Drahun zaklikaŭ hramadzian nie zastavacca abyjakavymi i apieratyŭna paviedamlać pra ŭzharańni.
Kali vy zaŭvažyli zadymleńnie ŭ lesie, važna adrazu ž patelefanavać u słužbu vyratavańnia pa numarach 101 abo 112, padkreśliŭ Alaksandr Drahun.
Infarmacyja imhnienna pastupić u lasnyja słužby, što dazvolić chutka zreahavać. Taksama možna paviedamić pra pažar naŭprost u laśnictva, kantakty jakoha raźmieščanyja na infarmacyjnych stendach u lasnych uhodździach.
Pavodle słoŭ Alaksandra Drahuna, kali čałaviek maje mahčymaść i siły, jon moža pasprabavać spynić raspaŭsiudžvańnie ahniu na pačatkovaj stadyi, ale rabić heta treba z asablivaj aściarožnaściu.
«Na pačatku ŭzharańnia jaho značna lahčej patušyć, pakul połymia jašče nie razharełasia. Pry hetym treba być vielmi ŭvažlivymi: u pieršuju čarhu nieabchodna paviedamić pra pažar u słužbu vyratavańnia, a dalej — pa mahčymaści i pry najaŭnaści nieabchodnych srodkaŭ pasprabavać patušyć ahoń», — adznačyŭ namieśnik ministra.