Tramp zajaviŭ, što jamu bolš składana damaŭlacca z Ukrainaj, čym z Rasijaj
Na dumku prezidenta ZŠA Donalda Trampa, va Ukrainy «niama kart», skazaŭ jon padčas svajoj pramovy ŭ Biełym domie.
Donald Tramp u Biełym domie. Skrynšot: Sky News
Kamientujučy apošnija padziei ŭ Jeŭropie, Tramp skazaŭ, što hetaja vajna moža pryvieści da Treciaj suśvietnaj vajny. Jon zaŭvažyŭ, što zamaroziŭ dapamohu Ukrainie, kab «spynić śmierci».
«Ja nie viedaju, ci chočuć jany ŭrehulavańnia», — skazaŭ jon.
Pry hetym damaŭlacca jamu praściej z Rasijaj, čym z Ukrainaj, adznačyŭ Tramp.
28 lutaha Tramp i Zialenski pasvarylisia ŭ žyvym efiry, čakanaje pahadnieńnie ab vykapniach nie było padpisana. ZŠA prypynili vajennuju dapamohu Ukrainie, ale niekalki dzion tamu Zialenski zajaviŭ, što supracoŭnictva sa Złučanymi Štatami adnoŭlena.
Na nastupnym tydni zapłanavany pieramovy ŭkrainskaj i amierykanskaj delehacyj u Saudaŭskaj Aravii.
Čytajcie taksama:
Tramp pryhraziŭ Rasii sankcyjami, «pakul nie budzie dasiahnutaje spynieńnie ahniu»
Sienatary-respublikancy zaklikajuć Trampa adnavić dapamohu Ukrainie i jaje dostup da raźvieddanych
Tramp: Ukraina i Rasija ŭrešcie zaklučać pahadnieńnie ab pieramirji
Śpiecpasłańnik Trampa paćvierdziŭ, što na nastupnym tydni adbuducca pieramovy Ukrainy i ZŠA