Ustanoŭleny padatak na sabak u Minsku na 2025 hod
Padatak na ŭtrymańnie sabak zastaŭsia bieź źmien. Adpaviednaje rašeńnie apublikavana na Nacyjanalnym pravavym partale i nabyvaje moc z 9 sakavika 2025 hoda.
Fota: vecteezy.com
Kolki daviadziecca płacić?
37 rubloŭ u kvartał — dla ŭładalnikaŭ sabak, uklučanych u śpis patencyjna niebiaśpiečnych parod. U pieralik uvachodziać 40 parod, u tym liku bulterjeraŭ, ratviejleraŭ, niamieckich aŭčarak i inšych.
11,1 rubla ŭ kvartał — dla ŭładalnikaŭ usich astatnich parod.
Na sajcie Ministerstva pa padatkach i zborach ukazany standartnyja staŭki ŭ pamiery 63 i 13 rubloŭ adpaviedna. Adnak miascovyja ŭłady mohuć źmianšać sumy padatku, ale nie bolš jak u dva razy, čym i skarystalisia ŭ Minsku.
Chto vyzvaleny ad vypłaty padatku?
1. Invalidy, kali:
vałodajuć sabakam-pavadyrom;
majuć I ci II hrupu invalidnaści;
majuć III hrupu invalidnaści (lhota raspaŭsiudžvajecca na adnaho sabaku).
2. Piensijaniery, kali:
dasiahnuli ahulnaŭstanoŭlenaha piensijnaha ŭzrostu abo majuć prava na daterminovuju piensiju (lhota raspaŭsiudžvajecca na adnaho sabaku).
3. Baćki, kali:
vychoŭvajuć dzicia-invalida (da 18 hadoŭ) (ilhota raspaŭsiudžvajecca na adnaho sabaku);
źjaŭlajucca baćkami ŭ šmatdzietnaj siamji (try i bolš dziciaci da 18 hadoŭ) (ilhota raspaŭsiudžvajecca na adnaho sabaku).
4. Žychary pryvatnych damoŭ — uładalniki adnakvaternych i błakiravanych žyłych damoŭ (ilhota raspaŭsiudžvajecca na adnaho sabaku).