Byłoha prezidenta Filipinaŭ aryštavali pa ordary Mižnarodnaha kryminalnaha suda
Były prezident Filipin Radryha Duterte byŭ aryštavany palicyjaj u mižnarodnym aeraporcie Maniły pa ordary Mižnarodnaha kryminalnaha suda (MKS) pa abvinavačvańniach u złačynstvach suprać čałaviečnaści, źviazanych ź jaho žorstkaj antynarkatyčnaj kampanijaj, piša Bi-bi-si.
Radryha Duterte. AP Photo/Vernon Yuen, File
Duterte byŭ zatrymany paśla prybyćcia z Hankonha, dzie ŭdzielničaŭ u pieradvybarčym mierapryjemstvie. Pavodle paviedamleńniaŭ, jaho advakat nazvaŭ aryšt «niezakonnym», spasyłajučysia na vychad Filipin z MKS u 2019 hodzie.
Padčas prezidenctva Duterte (2016—2022) jaho antynarkatyčnaja kampanija pryviała da śmierci tysiač ludziej. Palicyja paviedamlała pra kala 6 000 zahinułych, ale pravaabarončyja arhanizacyi śćviardžajuć, što ich kolkaść moža dasiahać 30 000.
U 2019 hodzie Duterte vyvieŭ Filipiny z Rymskaha statuta, kab paźbiehnuć rasśledavańniaŭ MKS. Adnak u 2023 hodzie sud adnaviŭ rasśledavańnie, adchiliŭšy piarečańni filipinskaha ŭrada.
Ciapierašni prezident Fierdynand Markas-małodšy, jaki zaniaŭ pasadu ŭ 2022 hodzie, vykazaŭ hatoŭnaść supracoŭničać z MKS u pytańni aryštu Duterte.