Ukraina nazvała siońniašni ŭdar pa Rasii sihnałam Pucinu
Kiraŭnik Rady nacyjanalnaj biaśpieki i abarony Ukrainy Andrej Kavalenka nazvaŭ masiravany ŭdar pa Rasii «sihnałam Pucinu» ab nieabchodnaści spynieńnia ahniu ŭ pavietry.
Placoŭka kala «Miratorha» ŭ Damadziedavie. Fota: Baza
Masiravanaja ataka na Maskvu i Maskoŭskuju vobłaść — «dadatkovy sihnał» Uładzimiru Pucinu, zajaviŭ kiraŭnik Centra procidziejańnia dezynfarmacyi pry Radzie nacyjanalnaj biaśpieki i abarony Ukrainy (RNBA) Andrej Kavalenka na videa, apublikavanym na jaho jutub-kanale.
Kavalenka nazvaŭ nalot dronaŭ na Maskoŭskuju vobłaść «masiravanym» i «pakul najbujniejšym u historyi», jaki adbyŭsia na fonie pieramovaŭ pradstaŭnikoŭ ZŠA i Ukrainy ŭ Saudaŭskaj Aravii.
Minabarony Rasii dała spravazdaču ab 337 źbitych bieśpiłotnikach, uklučajučy 91 — nad Maskoŭskaj vobłaściu i 126 nad Kurskaj vobłaściu.
U Maskoŭskaj vobłaści i Maskvie ŭ vyniku ataki zahinuli try čałavieki, bolš za dziesiać paranienyja.