Novyja ŭłady Siryi zaklučyli damovu z kurdami
Novyja ŭłady Siryi ŭ paniadziełak, 10 sakavika, abviaścili pra dasiahnutaje pahadnieńnie z «Siryjskimi demakratyčnymi siłami» (SDF) pa pytańni intehracyi cyvilnych i vajskovych instytutaŭ kurdskaj aŭtanomnaj administracyi ŭ skład siryjskaha ŭrada, piša Deutsche Welle.
Kiraŭnik «Siryjskich demakratyčnych sił» (SDF) Mazłum Abdzi i pierachodny prezident Siryi Achmied aš-Šaraa padčas padpisańnia pahadnieńnia. Fota: SANA via AP
U damovie paznačany kankretnyja abjekty na paŭnočnym uschodzie Siryi, uklučajučy pamiežnyja pasty, aeraport, a taksama naftavyja i hazavyja radoviščy. Pahadnieńnie pavinna być realizavana da kanca 2025 hoda.
Paśla źviaržeńnia režymu Bašara Asada ŭ śniežni 2024 hoda novyja siryjskija ŭłady na čale z Achmiedam aš-Šaraa sprabujuć raspuścić uzbrojenyja hrupoŭki, jakija dziejničajuć u Siryi, i ŭstalavać kantrol nad usioj terytoryjaj krainy.
Čytajcie taksama:
Rabočaja partyja Kurdystana abjaviła ab spynieńni ahniu z Turcyjaj
Pažyćciova źniavoleny kiraŭnik Rabočaj partyi Kurdystana zaklikaŭ paplečnikaŭ skłaści zbroju