Łukašenka pryjechaŭ u Kreml ź luksavym remieniem Hermes FOTAFAKT

Niadaŭna jon aburaŭsia, što biełarusy «rvucca pa Gucci, Versace i inšuju hadaść».

Alaksandr Łukašenka z małodšym synam Kolem pryjechali ŭ Kreml. Fota: Alexander Zemlianichenko, Pool / AP

Na sustreču z Pucinym u Kreml Łukašenka pryjechaŭ u sinim kaściumie i z remieniem Hermes. Heta viadomy francuzski dom mody — vy mahli čuć pra sumku Birkin ad jaho, jakaja stała simvałam dastatku i maraj mnohich žančyn.

Padobny remień, jak u palityka, na sajcie brenda kaštuje kala tysiačy dalaraŭ.

Ceny na aficyjnym sajcie Hermes

Zrešty, Łukašenka nie ŭpieršyniu zaŭvažany z remieniem Hermes. Brendavaj spražkaj palityk bliskaŭ jašče ŭ 2008 hodzie — kali pryjechaŭ na pole ŭ Salihorski rajon aznajomicca z chodam uboračnaj.

Łukašenka inśpiektuje chod uboračnaj u kompleksie «Balšavik—Ahra» Salihorskaha rajona, 2008 hod

Pry hetym sam Łukašenka niadaŭna krytykavaŭ biełarusaŭ, jakija zachaplajucca premijalnymi zachodnimi brendami.

«Biełarusy rvucca pa Gucci, Versace i inšuju hadaść, a treba nasić svajo. I pryvučać dziaciej da hetaha», — zajaviŭ jon na abłasnych «Dažynkach» u Klimavičach.

Kamientary da artykuła