Padletak źbiŭ mužčynu, patrabujučy kampiensacyju za sapsavanaje adzieńnie. Ciapier kampiensacyju daviadziecca płacić jamu
Chłopiec patrabavaŭ ad mužčyny 250 rubloŭ i narvaŭsia na kryminalnuju spravu.
Navučenca kaledža sudzili ŭ Słuckim rajonie. U kancy minułaha hoda 16-hadovy chłopiec pasvaryŭsia sa znajomym mužčynam z-za adzieńnia.
Kanflikt adbyŭsia ŭ noč na 7 listapada. Padletak vyrašyŭ, što mužčyna paškodziŭ jaho adzieńnie, i pačaŭ patrabavać 250 rubloŭ. Adnačasova chłopiec pačaŭ źbivać paciarpiełaha: biŭ pa tvary i hałavie, paviedamiła prakuratura.
U sudzie padletak całkam pryznaŭ vinu. Z ulikam usich dokazaŭ sud pryznaŭ jaho vinavatym u prymusie da pakryćcia naniesienaj škody pry adsutnaści prykmiet vymahalnictva, ździejśnienym z užyvańniem hvałtu, niebiaśpiečnaha dla zdaroŭja.
Chłopiec atrymaŭ try z pałovaj hady kałonii, ale z adterminoŭkaj na 3 hady. Taksama padletak pavinien vypłacić kampiensacyju maralnaj škody paciarpiełamu — 3 tysiačy rubloŭ.