U Minsku 500 paviljonaŭ na prypynkach hramadskaha transpartu pamianiajuć na novyja
U Minsku buduć zamienienyja 500 prypynačnych paviljonaŭ, a taksama prykładna 1,9 miljona kvadratnych mietraŭ asfaltu, paviedamlaje BiełTA.
Fota ilustracyjnaje
Pra płany pa ramoncie i zamienie darožnaj infrastruktury raskazali ŭ «Harramaŭtadary» Minharvykankama. U pryvatnaści, płanujecca zamianić kala 1,9 miljona kvadratnych mietraŭ asfaltabietonnaha pakryćcia, ź jakich 1 miljon «kvadrataŭ» pojduć pad poŭnuju zamienu.
Pry hetym mianiać asfaltabietonnaje pakryćcio ŭ stalicy ŭžo pačali. Ale jašče paźniej pačniecca zamiena prypynkaŭ.
«Ustanoŭka prypynačnych paviljonaŭ novaha ŭzoru pačniecca ŭ trecim kvartale sakavika», — udakładniŭ hiendyrektar «Harramaŭtadara» Maksim Biełavus.
Jon dadaŭ, što novyja prypynki — u adzinym architekturnym styli, kancepcyju jakoha zaćvierdzili jašče dva hady tamu. Jany buduć stvoranyja z acynkavanaha mietału z udaratryvałym taniravanym škłom. Termin słužby takich prypynkaŭ nie mienš za piać hadoŭ.
Čytajcie taksama:
U Minsku źmienicca ruch tramvajaŭ
U Minsku źjaviŭsia samy karotki aŭtobusny maršrut
«Minsktrans» prakamientavaŭ abviestki ŭ hramadskim transparcie na ruskaj movie