Ekanamist Pavieł Danejka raskazaŭ, čamu zaniaŭsia johaj
64-hadovy ekanamist i były deputat Viarchoŭnaha Savieta pačaŭ chadzić na johaterapiju hod tamu. Tudy jaho zaviała žonka.
Pavieł Daniejka
Johaterapija krytyčnaha vyraŭnoŭvańnia, kudy chodzić ekanamist, — heta mietad, jaki dazvalaje narmalizavać stan chrybietnika, pazbavicca ad bolu ŭ śpinie, a taksama źniać chraničny stres i stomlenaść. Pavieł Danejka takim čynam zmahajecca z hałaŭnymi bolami.
Jon tłumačyć: kali ŭvieś dzień, zhorbiŭšysia, pracuješ za kampjutaram, raźvivajecca osteachandroz.
«Praz heta padaje pracazdolnaść. Raźvivać i zachoŭvać jaje dapamahaje takaja joha. Chadžu na jaje dva razy na tydzień», — kaža Danejka.
Zaniatki pa jozie pravodzić biełaruska. U hrupie — biełarusy i ŭkraincy.
Pavieł Danejka na jozie ŭ studyi ŭ Vilni. Fota: sacsietki
Ci dapamahli zaniatki johaj źnizić vahu?
«Ja nie chudzieju, nie viedaju čamu. Ale chadžu taksama dva-try razy na tydzień u spartovuju zału, zajmajusia siłavymi treniroŭkami. Dumaju, treba mianiać režym charčavańnia, — raskazvaje Pavieł. — Zvyčajna nabiraju vahu, kali stres skančajecca. Taksama paŭnieješ, kali ałkahol užyvaješ, ale ja kinuŭ pić, pakul Łukašenka prezident».
Pa słovach ekanamista, jon nie lanujecca zajmacca:
«Užo pryvyk, razumieju, što heta jak zaradka ranišniaja, nieabchodny elemient zachavańnia pracazdolnaści».
Čytajcie taksama:
Ekanamist Pavieł Daniejka raskazaŭ, čamu na sumoŭjach pytaŭsia pra Hary Potera
Daniejka raskazaŭ, jak dla pracy ŭ Maskvie jamu daviałosia nabyć darahi hadzińnik
Ekanamist Daniejka: Sacyjalnaja palityka Łukašenki nulavaja, i ja heta padtrymlivaju