Minčuk pakazaŭ «naziemny» učastak haradskoha mietro
Pra hety kavałak minskaj sietki mietro mała chto viedaje, piša CityDog.
«Naziemny» učastak minskaha mietro schavany pad płastom ziamli. Jaho možna pabačyć pamiž stancyjami «Traktarny zavod» i «Praletarskaja» u rajonie vulicy Kłumava i Antonaŭskaha parku.
Rolik pra nieviadomaje šmat dla kaho miesca apublikavaŭ u tyktoku błohier mister_slivster.
Sa słoŭ minčuka, hety ŭčastak źviazany sa Ślapianskaj vodnaj sistemaj, jakuju budaŭnikam «treba było pierasiekčy pry prakładcy tunelaŭ». Kab nie prakładvać mietro pad vadoj, jany vyrašyli ŭźvieści tuneli źvierchu i zasypać ich hruntam.
Kali stać naŭprost na hety ŭčastak, to možna adčuć vibracyju ad chodu ciahnikoŭ.
U kamientaryjach da rolika mnohija ździvilisia, što takoje miesca ŭ Minsku isnuje.