«Strašna, što takoje adbyvajecca pa duraści». U vioscy pad Łahojskam — mocny pažar, zhareli niekalki damoŭ
U Łahojskim rajonie, u vioscy Lada, — surjozny pažar. Tam, pa słovach vidavočcaŭ, jakija paviedamili Onliner, zhareli najmieniej try damy. Na miesca pracujuć pažarnyja mašyny, ratavalniki sprabujuć patušyć ahoń.
— U hetaj vioscy, u asnoŭnym, znachodziacca dačy. Zdajecca, zhareli try damy. Kažuć, usio pačałosia, kali chtości staŭ čyścić učastak ad starych pabudoŭ: buldozier zhrob usio ŭ kuču, i chłam padpalili, — raspaviała čytačka. — Paciarpiełych byccam by niama.
Na miescy taksama pracuje Śledčy kamitet, raspaviała dziaŭčyna.
— Strašna, što takoje adbyvajecca pa duraści. Pažar pajšoŭ z učastka nie na dom tych, chto jaho čyściŭ, a ŭ supraćlehły bok. Paciarpieła ŭłasnaść inšych susiedziaŭ. Škada, nie ŭdałosia chutka patušyć.