Tramp likvidavaŭ ministerstva adukacyi ZŠA
Svaim ukazam Tramp daručyŭ ministru adukacyi Lindzie Makmechan raspačać «usie nieabchodnyja kroki» dla zakryćcia ŭstanovy i «viarnuć paŭnamoctvy ŭ śfiery adukacyi na ŭzrovień štataŭ». Ukaz byŭ padpisany karcinna, u atačeńni školnikaŭ.
Donald Tramp. Fota: Christopher Furlong / Getty Images
«Za 45 hadoŭ paśla stvareńnia Departamienta adukacyi ZŠA traciać na jaho značna bolš hrošaj, čym lubaja inšaja kraina. My tracim bolš za ŭsio hrošaj na vučnia, adnak my ŭnizie śpisu ŭ pytańni paśpiachovaści adukacyi», — zajaviŭ prezident ZŠA.
Z momantu stvareńnia ŭ 1979 hodzie ministerstva adukacyi było nibyta vydatkavana try tryljony dalaraŭ, ale pakazčyki paśpiachovaści amierykanskich vučniaŭ nie palepšylisia.
Namieśnik pres-sakratara Biełaha doma Charysan Fiłds raniej skazaŭ, što ŭkaz «daść mahčymaść baćkam, štatam i supolnaściam uziać kantrol u svaje ruki i palepšyć vyniki ŭsich vučniaŭ».
Donald Tramp ličyć najaŭnaść ministerstva adukacyi «vialikaj afioraj» i sprabavaŭ zakryć jaho jašče padčas svajho pieršaha prezidenckaha terminu, ale tady jaho rašeńnie nie padtrymaŭ Kanhres ZŠA.
Čytajcie taksama:
Tramp nacisnuŭ čyrvonuju knopku ŭ siabie na stale. I patłumačyŭ, navošta heta zrabiŭ
Bieły dom: vałodańnie ZŠA atamnymi elektrastancyjami Ukrainy budzie ich najlepšaj abaronaj