Stała viadoma, dzie ŭ Biełarusi pabudujuć majninhavyja fiermy
Mahiloŭskaja vobłaść rychtuje placoŭki dla budaŭnictva majninhavych fierm. Pra heta piša BiełTA sa spasyłkaj na staršyniu Mahiloŭskaha abłvykankama Anatola Isačanku.
Fota: AP Photo/Kin Cheung
Pavodle jaho słoŭ, u Mahiloŭskaj vobłaści jość dobryja placoŭki z dastatkovymi enierhietyčnymi mahutnaściami — «usio nieabchodnaje dla budaŭnictva data-centraŭ i majninhavych fierm».
Isačanka padkreśliŭ, što ŭžo «atrymana dabro» ad kiraŭnika dziaržavy. Zaraz hetyja placoŭki rychtujucca dla praviadzieńnia konkursaŭ i pryciahnieńnia inviestaraŭ.
U minułym hodzie stała viadoma, što z udziełam kitajskich inviestaraŭ na terytoryi Kryčaŭskaha rajona realizujecca prajekt budaŭnictva pieršaj u vobłaści majninhavaj fiermy. Košt tolki pieršaj čarhi, jakuju płanujuć uźvieści ŭ 2025 hodzie, składaje 190 miljonaŭ rubloŭ.
Na pačatku sakavika Alaksandr Łukašenka zajaviŭ, što ŭ Biełarusi nieabchodna raźvivać majninh kryptavalut. Jon adznačyŭ, što pa hetym pytańni da jaho źviartajecca ŭsio bolš ludziej.