U rasijskaj Razani mužčyna žyŭcom zhareŭ kala čašy Viečnaha ahniu
Mužčyna zahinuŭ ad apiokaŭ na ŭsim ciele kala Viečnaha ahniu na płoščy Pieramohi ŭ Razani. Pra heta paviedamili ŭ Śledčym upraŭleńni SK Rasii pa Razanskaj vobłaści, piša RBK.
Viečny ahoń u Razani. Fota: TASS
Incydent adbyŭsia ranicaj 22 sakavika, pieradaje miascovy partał YA62.ru sa spasyłkaj na krynicu ŭ ekstrannych słužbach Razani. Pavodle jaho infarmacyi, mužčyna zahinuŭ da pryjezdu chutkaj dapamohi, jahonaje cieła dastavili ŭ biuro sudova-miedycynskaj ekśpiertyzy.
Asoba zahinułaha pakul nie vyśvietlenaja. «Na vyhlad mužčynu — ad 40 da 45 hadoŭ», — piša YA62.ru.
Miascovyja ŚMI publikujuć kadry, na jakich mužčyna lažyć kala Viečnaha ahniu, jaho cieła achoplena połymiem. Zahinuły moh zasnuć kala čašy Viečnaha ahniu.
Čytajcie taksama:
Pažar zabraŭ žyćci dvuch piensijanieraŭ u Słaŭharadskim rajonie