Prychilniki Bondaravaj śviatkujuć pieramohu nad kanałam «DSP» na 120 padpisčykaŭ

Telehram-kanał «Dla słužbovaha karystańnia» vyśmiejvaŭ prarasijskich piersanažaŭ i patrabavaŭ pryciahnuć ich da adkaznaści. Ale prajhraŭ u ideałahičnaj vajnie.

Volha Bondarava. Fota: grodnonews.by

Ekasistema prałukašenkaŭskich telehram-kanałaŭ skaraciłasia — kanał «DSP» («Dla słužbovaha karystańnia») raptoŭna spyniŭ svaju pracu. Jaho składana nazvać papularnym, kolkaść padpisčykaŭ naličvała miziernyja 120-125 čałaviek. Adnak heta byŭ kanał, jaki sistemna zmahaŭsia z antybiełaruskimi dziejańniami danosčycy Volhi Bondaravaj i jaje siabroŭ kštałtu doktarki Aleny Stefanovič (jakuju deputat Ihar Marzaluk nazyvaŭ «švallu z Hrodna»).

Na «DSP» u režymie 24/7 vyśmiejvalisia ich vykazvańni, aktyvisty sprabavali źviarnuć uvahu siłavikoŭ na raspalvańnie varožaści, jakim zajmajecca Bondarava.

Stvaralniki kanała pazicyjanavali siabie jak zaciatych prychilnikaŭ Alaksandra Łukašenki, nie ryzykavali krytykavać i Rasiju. Baraćba išła tolki z bondaraŭcami.

Adnak vyhladaje, što stvaralnikam kanała tak i nie ŭdałosia znajści padtrymku siarod pradstaŭnikoŭ ułady. U noč na 21 sakavika kanał «DSP» źnik albo pierajšoŭ u pryvatny režym.

Pa mierkavańni Bondaravaj, stvaralnikam «DSP» byŭ prałukašenkaŭski aktyvist Alaksiej Jelkanovič.

«Božački, kudy raptam źnikli kanał i čat DSP?», — rahoča danosčyca na mahile kanała.

Kamientary da artykuła