Pacyjentaŭ homielskich balnic u vypadku teraktu zaklikajuć źviazacca z FSB i ŭziać z saboj rasijski pašpart
U balnicach Homiela źjavilisia płakaty ź instrukcyjaj, što rabić u vypadku teraktu. Prablema ŭ tym, što heta rekamiendacyi dla hramadzian Rasii.
Fota: «Fłahštok»
U adnoj ź miedustanoŭ Homiela źjavilisia płakaty na temu «Teraryzm — pahroza hramadstvu». Na ich jość instrukcyja, što treba rabić u vypadku pahrozy teraktu, piša «Fłahštok».
Miarkujučy pa płakacie, naviedvalniki miedustanovy pavinny ŭziać z saboj rasijski pašpart i patelefanavać u FSB Rasii. Usia sprava ŭ tym, što płakaty ŭ homielskija balnicy zakupili ŭ Rasii.
Fota: «Fłahštok»
Praz servisy dziaržzakupak u 2024 hodzie rasijskija płakaty z nazvaj «Teraryzm — pahroza hramadstvu» zakupalisia jak minimum 15 razoŭ.
Płakaty z rekamiendacyjaj źviazvacca z rasijskaj śpiecsłužbaj kuplali miedyki, VNU, vykankamy, fond sacyjalnaha strachavańnia i navat Kamitet dziaržkantrolu.
Jak vyjaviłasia, u Biełarusi takija płakaty prosta nie vypuskajucca.
Čytajcie taksama:
U Asipovičach imkliva razbudoŭvajuć infrastrukturu. Imavierna, dla rasijskaj jadziernaj zbroi